Monday , 26 August 2019
Wararka Cusub
You are here: Home / Tag Archives: Wasiirka Maaliyadda

Tag Archives: Wasiirka Maaliyadda

Feed Subscription

Maxey ka dhiggan tahay dib -u habeynta lagu sameeyay Guddiga Maaliyadda Golaha Shacabka

Arrintan ayaa ugu yaraan u muuqata mid meesha ka saari karta khilaafkii ka dhashay kala diristii guddoomiye ku-xigeenka Koowaad ee Golaha Shacabka uu ku sameeyay Guddigan oo loo arkay mid aan la jaan-qaadi karin hannaanka geedi socodka nidaamka Maaliyadeed ee dalka.

Dib u habeyntan ayaa waxaa sidoo kale ka dhax muuqda in Guddoomiyaha Golaha Shacabku Maxamed Mursal  ku qancay tallaabadii ay horay u qaadeen ku-xigeennadiisa, isaga oo meesha ka saaray xubno muhiim ah oo loo arkay in ay ahaayeen kuwii hor boodayay warbixintii uu guddigu soo saaray ee la xiriirtay Musuq-Maasuqa iyo Wax is-daba-marinta Maaliyadeed.

Shaqsiyaadka dibedda looga saaray Guddiga ayaa kala ah Cali Cabdi Cismaan oo ahaa guddoomiyihii Guddiga, Ku-xigeenkiisii Maxamed Aadan Macalin iyo xoghayihii Guddiga Xildhibaan Cabdullaahi Maxamed Nuur oo dhinaca kale ka mid ahaa xildhibaannadii ugu cadcadaa ee soo gudbiyay mooshikii kalsooni kala noqoshada madaxweynaha Soomaaliya.

Guddoomiyaha Golaha Shacabka ayaa xilligan ku dadaallaya sidii uu u soo celin lahaa kalsoonidii Golaha Shacabka oo waayadii ugu danbeeyay uu soo kala dhax-galay kala shaki weyn oo siyaasadeed, sidoo kale waxaa ay tallaabadan isku soo dhaweyn kartaa isaga iyo labadiisa ku-xigeen oo kala irdhoobay tan iyo wixii ka danbeeyay go’aankii lagu kala diray guddiga Maaliyada,

Ma’aha oo kaliya guddigan in dib-u-habeyn lagu sameeyay oo kaliya, balse guddoomiyaha ayaa sidoo kale ka dalbaday in sida ugu dhaqsiyaha badanMiisaaniyadda 2019 u horkeenaan Golaha 30/12/2018 si loogu codeeyo.

Guddoomiye Mursal ayaa u muuqda in qeyb ahaa uu aqblay cadaadiskii ahaa in guddiga dhamaanba la kala diro madaama laga saaray xubnihii hormuudka u ahaa waliba guddoonkii sare ee guddiga lamana sheegin in guddiyo kale loo wareejiyay iyo in kale.

Maalmaha soo socda ayaa la filayaa in ay dib u furmaan kulamadii caadiga ahaa ee Golaha Shacabka oo aan leysugu iman tan iyo wixii ka danbeeyay markii uu soo ifbaxay khilaafkii ka dhashay Mooshinkii laga keenay madaxweynaha.

Wasiirka Maaliyadda Beyle oo Baarlamaanka Horgeeyay Faah-faahinta Miisaaniyada 2018ka iyo deeqaha ay Dowladdu fileyso

Wasiirka Wasaaradda maaliyada xukuumadda Soomaaliya Cabdiraxmaan Ducaale Beyle oo maanta hortagay baarlamaanka Soomaaliya ayaa u gudbiyay xildhibaannada faah faahin ku saabsan misaaniyada sanadkan 2018ka iyo deeqa ay dowladdu heyshay iyo kuwa la filayo intaba.

Miisaaniyadda 2017-ka waxaa ay aheyd $245.9 Milyan, laakiin waxaa muuqata in miisaaniyada sanadkan wax xoggaa isbadal ah lagu sameeyay.

Wadarta Miisaaniyadda La Qoon-deeyay:

Dowladda ayaa si ay u meelmariso hawlaha u qorsheysan sanad miisaaniyadeedka ka bilaabanaya 1-da Janaayo 2018 kuna dhamaada 31, December 2018 ayaa sida hoos ku qoran loo qoondeeyay dakhliga khasanadda iyo lacagaha kale ee dowladda, sida lagu qeexay jadwal-kan.

Wadarta miisaaniyadda ee loo qoondeeyay miisaaniyadda joogtada ah iyo tan rasumaalka wa sidan:

(A) Kharash-ka joogtada ah: US$ 260,171,727

(B) Kharashka Raasumaalka: US$ 14,458,464

Wadarta Guud: US$ 274,630,191

Haddaba Haddii ay timaado hoos u dhac kharashaadka ah, waxaa mudnaanta la siin-doonaa:

Raashiinka iyo Gunnooyinka ciidamada qalabka sida

Khidmadda maaliyaddu ku shaqeyso(Banka iyo Gobolka)

Mushaarooyinka/Gunooyinka shaqaalaha rayidka ah

Gunnada Xildhibaannada iyo G/Wasiirada

Mushaaraadka iyo Gunnooyinka gashibaxa ku jira ee ka soo wareegay sanadkii hore

Adeegga iyo Agabka xafiisyada dowladda qaranka iyo gobollada

Gashibaxa alaabta iyo qaamaha la hormarsaday

Qeybta Laga Qaadayo Canshuurta shaqaalaha dowladda

0-200 dadka dakhligooda yahay waa 0 ama waxba lagama rabo.

201-800: waxaa laga rabaa: 6%

801-1,500 waxaa laga qaadayaa: 12%

1501 iyo wixii ka sareeyay: 18%

Canshuuraha kale:

Noocyada Tobacco: $6 iyo midda magaadka $4, Sigaarka royal iyo Sports: $22, sigaar Benson $24.

Qaadka: 2.5 per kg

Bansiin iyo Gaas: $56.25, Naafto MT $50.00, Fuusto Bansiin: $12.50 iyo Fuusto Naafto, Gaas: $11.25 Canshuuraha soo degayaasha iyo dhoofayaasha: $30

Canshuurta Hotellada Muqdisho: 5% adeegga ay bixiyaan. Canshuurta iibka isgaarsiinta, Korontada iyo Biyaha: dhammaan shirkadaha isgaarsiinta, korontada iyo biyaha waxaa waajib ah in ay bixiyaan canshuurta iibka sida tacrifada ku cad jaantuska hoose

Isgaarsiinta: 15%, Korontada: 5%, Biyaha: 5% iyo Internetka iyo TVyada: 5%

Deeqaha ay Dowladda fileyso:

Dowladda Turkiga oo sanadka laga helay 28,,105,332 waxaa laga filayaa sanadka 2018-da illaa 20,000,000

Dalka Sacuudiga oo sanadkan waxba aan bixin sida miisaaniyadda ku qoran waxaa laga filayaa sanadka 2018-dda illaa 32,360,000,

Dalka Qatar waxaa sanadkan ay bixiyeen 10,000,000 isla 10-kaas Milyan ayaa laga filayaa sanadka soo socda.

Scroll To Top
Descargar musica