Thursday , 14 November 2019
Wararka Cusub
You are here: Home / Wararka

Category Archives: Wararka

Feed Subscription

Mareykanka oo War ka soo saaray duqeyn ay ka fuliyeen degmada Jilib ee gobolka Jubbada Dhexe

War ka soo baxay Taliska Ciidamada Maraykanka ee Qaarada Africa ee loo yaqaano (AFRICOM) ayaa lagu faah faahiyey duqeyn ay ka fuliyeen deegaano ka tirsan Gobolka Jubbada Dhexe.

Warka ayaa lagu sheegay in iyaga oo kaashanaya dowladda Soomaaliya maalintii shalay duqeyn dhinaca cirka ah ka fuliyeen degmada Jilib oo ka  tirsan gobolka Jubbada Dhexe, islamarkaana ay la beegsadeen Xubno ka  tirsan  Al-Shabaab.

Weerarka ayaa Mareykanka waxa uu ku sheegay in ay ku dileen  Xubin ka tirsanaa Ururka Al-shabaab , islamarkaana weerarkaas aysan waxyeelo kazoo gaarain dad  rayid ah.

Mareykanka ayaa sanadkaan 2019 waxa uu kordhiyey weerarada dhinaca cirka ah uu ka fuliyo Soomaaliya,waxaana Hay’adaha u dooda Xuquuqda aadanaha ee amnesty international Warbixin ay dhawaan soo saartay ay ku eedeeyay Mareykanka in duqeynta uu Soomaaliya ka wado ay ku dhintaan dad rayid ah.

Wabiga Shabeelle oo fatahaad hor leh ka sameeyay magaalada Beledweyne

Wabiga Shabeelle ayaa saacadihii ugu danbeeyay bilaabay in uu si toos ah ugu fataho guud ahaan xaafaddaha magaalada Beledweyne, kaddib markii xalay uu qeybo badan Wabigu karkaarada jabsaday.

Laamiga dhaxmara bartamaha magaalada ayeey biyuhu bilaabeen in ay ku dulmaraan taasoo muujineysa in fatahaadu waxba ka duwaneyn kuwii ka horeeyay saameynta weyn yeeshay, gaar ahaan xaafaddihii ugu danbeeyay ee biyuhu ku fataheen ayaa waxaa ka mid ah Xaafadda Buundo-weyn, Kooshin, waxaana biyaha ka burqanaya xaafadda Buunda-weyn ay saameyn weyn gaarsiinayaan goobaha ganacsiga oo qaarkood wali ay dhax-yaallaan badeecooyinkii kala duwanaa oo ay mid yihiin raashinka.

Guddoomiyaha Gobolka Hiiraan Cali Maxamed Caraale ayaa sheegay in dadka barakacay magaalada lagu qiyaasayo ilaa 50 kun ruux oo deegaan ka dhigtay dhulka taagga ah ee dulleedka Bari deegaanka Ceeljaale.

Korontada magaalada ayaa la jaray, iyadoo shirkaduhu ka cabsi qabaan in ay wax-yeelo u geysto dadka biyaha ku dhax-lugeynaya madaama baalayaasha Korontada gudbiya intooda badan suran yihiin xaafaddaha fatahaadu saameysay.  

Magaalada Beledweyne ayaa sanad waliba dadka ku dhaqan xiliyada Roobka waxaa ay u diyaaar-garoobaan fatahaad uu sameeyo Wabiga Shabeelle, gaar ahaan marka ay Roobabku si xiriir ah uga da’aan dhulka sare ee Itoobiya.

Muxuu salka ku haya go’aanka ay dowladda Soomaaliya ku mamnuucday diyaaradaha tooska u tagi jiray magaalada Kismaayo?

Hay’adda duulista hawada ee Soomaaliya ayaa shirkadaha diyaaradaha ku wargelisay in dhammaan duullimaadyada caalamiga ah iyo kuwa maxalliga ee ku sii jeedaa magaalada Kismaayo oo ah xarunta ku-meelgaarka ah ee dowlad-gobolleedka Jubbaland ay soo maraan Muqdisho,sida uu Hiiraan Online u sheegay sarkaal sare oo ka tirsan hay’adda duulista hawada Soomaaliya.

Lama oga sababta ay dowladda federaalka Soomaaliya u joojisay duullimaadyada caalamiga ah ee toos u taga magaalada Kismaayo,balse waxay imaneysaa iyadoo toddobaad laga joogo markii ay qabsoontay doorashadii Jubaland ee uu muranka ka dhashay, taas oo uu ku guuleystay Axmed Madoobe.

Magaalada Kismayo waxaa taga duuliimaadya badan oo isugu jiro kuwa maxalli ah iyo kuwa caalami ah, waxaana sidoo kale Kismaayo taga duulimaadyo kale oo ah kuwa ciidammada AMISOM, gaar ahaan kuwa Kenya.
Ilo wareedyo ayaa sheegaya in go’aankan uu yahay mid lagu hubinyo dhaq dhaqaaqyada diyaaradaha ka dega Kismaayo oo aan waxba laga ogeyn.
“Tallaabadan ayaa qeyb ka ah howlaha la socodka Hawada Soomaaliya ee ay maamulkeeda gacanta ku heyso dowladda Soomaaliya, gaar ahaan Hay’adda Duulista iyo Saadaasha Hawada.” ayuu yiri sarkaal la hadlay Hiiraan Online oo inta ku daray in go’aankan la wargeliyay dhammaan shirkadaha diyaaradaha.
Dowladda federaalka Soomaaliya iyo dowlad-gobolleedka Jubbaland ayaa xiriirkooda uu xuma, sidoo kale waxaa xiisad diblumaasiyadeed dowladda Soomaaliya ay kala dhaxeysa dalka Kenya oo ciidammada ugu badan ay ka joogaan magaalada Kismaayo.

Xilliga doorashada Jubaland oo lasoo hormariyey

Guddiga doorashada Jubaland garabka uu magacaabay Madaxweynaha Jubaland Axmed Madoobe ayaa isbadal ku sameeyay jadwalkii hore ee doorashada.

Qoraal maanta kasoo baxay guddiga ayaa lagu sheegay in 17-ka bishan ay dhici doonto doorashada guddoonka baarlamaanka cusub halka doorashada Madaxweynahana ay dhici doonto 19-ka bisha.

Waxaa sidoo kale maanta magaalada lagu dhaariyay 75-ka xildhibaan ee cusub ee Jubaland ee garabka ay soo magacaabeen guddiga ay taageersan yihiin mucaaradka.

Dhinaca kale, waxaa maantaa magaalada gaaray wafdi ka socda AMISOM iyo Xildhibaano ka tirsan labada aqal ee baarlamaanka Soomaaliya.

Khadar Maxamuud Xareed ayaa warbixintan noo soo diray.

Ra’iisul wasaare ku-xigeenka Soomaaliya oo amar soo saaray

Ra’iisul wasaare ku-xigeenka xukuumadda federaalka ah ee Soomaaliya, Mahdi Maxamed Guuleed Khadar ayaa sheegay inay dowladda mamnuucday Qashin la sheegay in lagu shubi jiray garoonka diyaaradaha Muqdisho ee Aadan Cadde.

Warqad ka soo baxday xafiiska ra’iisul wasaare ku-xigeenka ayaa loo diray wasiirka gaadiidka iyo duuliska hawada,xafiisyada AMISOM iyo Qaramada Midoobay.

Waxaa kalo lagu caddeeyay qoraalka in uu kordhay qashinka dhex yaalla garoonka diyaaradaha ee Muqdisho,isla markaana aan la aqbaleyn laga billaabo 1-da bisha soo socota ee July in qashin lagu shubo garoonka.
Waxyaabaha laga mamnuucay in lala galo madaarka caalamiga ah ee Aadan Cadde ayaa waxaa ka mid ah, haraadiga daawooyinka, agabyada gubtay iyo qashinka burta ah.

Xoghayaha Qaramada Midoobay oo diblumaasi Marekanka ah u magacaabay wakiilka QM ee Soomaaliya

Xoghayaha guud ee Qaramada Midoobay,Antonio Guterres ayaa u magacaabay James Swan oo ah diblumaasi Mareykan ah ergeygiisa gaarka ah ee Soomaaliya, kaas oo beddeli  doona Nicholas Heysom oo dawladda Soomaaliya dalka erisay kaddib markii uu su’aallo ka keenay dad rayid ah oo lagu dilay magaalada Baydhabo intii lagu jiray doorashadii maamulka Koonfurgalbeed.
James Swan oo 56 jir ah  ayaa xilalka uu horey usoo qabtay waxaa ka mid ah safiirka dowladda Marekanka ee u qaabilsan Jamhuuriyada Dimoqaraadiga ee Congo iyo Jabuuti, waxaa kalo uu mar soo noqday kaaliye ku-xigeenka xoghayaha guud ee Marekanka u qaabilsan arrimaha Afrika , maamulkii Barak Obama.
Wakiilka cusub ee Qaramada Midoobay u qaabilsanan doona Soomaaliya , wuxuu bartay xiriirka caalamiga ah iyo cilmiga difaaca qaranka oo uu ka kala dhigtay jaamacadda Georgetown iyo National War College, wuxuuna noqonaya qofkii labaad ee Marekan ah xilkaas qabta, waxaa ka horreeyey Jonathan Howe sannadihii 1993-1994.
Guterres ayay ku qaadatay muddo lix bilood ah inuu ku soo magacaabo wakiilka Qaramada Midoobay ee Soomaaliya ,iyadoo ilo xog ogaal ah ay sheegayaan in sababta muddada dheer ay ugu qaadatay ay tahay in uu helo shakhsi ka soo jeedda dalalka awoodda diidmada qayaxan leh iyo in qofkaasi u leeyahay khibrad diblumaasiyadeed arrimaha Soomaaliya.
Ugu dambeyntii, xulashada Antonio Guterres  ee diblumaasiga Marekanka James Sworn ayaa loo arkay inay u sahashay maaddama uu wax badan ka yaqaano arrimaha Soomaaliya iyo gobolka Geeska Afrika, isagoo mar soo noqday Ergeyga Gaarka ah ee Mareykanka u qaabilsanaa Soomaaliya.

Madaxa sare ee Arrimaha Dibadda Midowga Yurub Federica Mogherini oo booqasho ku tagtay Muqdisho

Madaxa sare ee arrimaha dibedda ee Midowga Yurub, Federica Mogherini ayaa maanta booqasho ku tagtay magaalada Muqdisho.

Wafdiga waxaa garoonka diyaaradaha ee magaalada Muqdisho ku soo dhaweeyay Wasiirka Arrimaha dibadda Soomaaliya Mahad Cawad Ciise, iyadoo intaa kaddibna loo galbiyay xarunta madaxtooyada Soomaaliya halkaa oo ay kula kulantay ra’iisal wasaare Xassan Cali Kheyre.

“Waxa aan maanta kulan la qaatay Wakiilka Sare ee Arrimaha dibadda iyo Siyaasadda Amniga Midowga Yurub, Marwo Federika Mogherini, waxaa aan ka wada hadalnay horumarka aan ka sameynay howlaha dib-u-habeynta hay’adaha dowladda iyo kaalinta Midowga Yurub ee howlaha dowladda Soomaaliya hor yaalla sanadkaan 2019 ayuu yiri ra’iisul Wasaare kheyre.

Midowga Yurub ayaa ka mid ah ururada ugu waaweyn beesha caalamka ee taageera Soomaaliya.

Midowga Yurub ayaa sannadkii hore ansixiyey lacag dhan 116 milyan oo dollar oo ah lacag lagu taageerayo miisaaniyadda Soomaaliya, waxayna ahayd markii ugu horraysay ee taasi ay dhacdo 27 sano.

Midowga Yurub iyo dawladda Soomaaliya ayaa la filayaa inay goor dhow soo wada saaraan war-murtiyeed ku saabsan safarkaasi iyo qodobada laga hadlay.

Xaalada Magaalada Muqdisho oo caawa kacsan iyo rasaas laga maqlayo waddada Makah-Al-Mukarama

Xaalada magaalada Muqdisho ayaa caaw ah mid kacsan kaddib qaraxyo is xig xigay oo ka dhacay wadadda Maka Al-Mukaama oo lagu arko ciidamo ka tirsan dowladda Soomaaliya oo ku hubeysan gaadiidka dagaalka.

Marka laga soo tago weerarka Ismiidaamin ah oo lagu qaaday hotelka Maka- Al-Mukarama ee magaalada Muqdisho, waxaana sidoo kale qarax labaad laga maqlay meel aan ka fogeyn hotelka Naasa-Hablood ee KM4, inkastoo qaraxan danbe uusan wax saameyn ah yeelan.

Rasaas goos goos ah ayaa wali lagama maqlayaa agagaarka hotelka Maka Al-Mukarama ee magaalada Muqdisho, waxaana soo baxaya shaki ay ciidamadu ka qabaan in ay jiraan maleeshiyaad ku dhuumaaleysanaya dhimayaasha ka agdhaw goobta uu qaraxu ka dhacay.

Waxaa dumay uu bur buray dhismayaal ku yaala hareeraha waddada Laamiga ah, gaar ahaan agagaarka hotelka Maka Al-Mukarama oo loo maleynayo in ay ku hoos jiraan dad meyd ah, madaama waqtiga uu qaraxu dhacay goobtu aheyd mid aad u mashquul badan.

Waxaa goobta yaala  oo burburay gaadiid faro badan oo marka uu qaraxu dhacayay halkaa u taagnaa baaritaanno ay wadeen ciidamada dowladda Soomaaliya.

Dowladda Soomaaliya wali kama aysan hadal qaraxyada caawa ka dhacay magaalada Muqdisho iyo khasaaraha rasmiga ah ee ka dhashay.

Qaraxyada caawa ayaa imanaya xili maanta ra’iisal wasaare ku-xigeenka Soomaaliya Mahdi Maxamed Guulleed Khadar uu sheegay in la wiiqay awoodii ururka Al-shabaab. 

War Deg Deg ah : Qarax xoogan oo ka dhacay Magaalada Muqdisho

Wararka nagasoo gaaraya EX koontorool Balcad ee magaalada Muqdisho ayaa waxaa ay sheegayaan in halkaasi  qarax xxogan   jugtiisa laga maqlay qeybo badan oo ka mid ah degmooyinka gobalka Banaarir waxaana dadka deegaanku ay u sheegeen dalsan in ay maqlayaan dhawaqa saraas culus.

Dadka ka ag dhow aaga qaraxu uu ka dhacay ayaa dalsan waxa ay u sheegeen sheegeen  in mar qura ay maqleen jug xooggan oo argagax gelisay,waxaana xigtay rasaas aan la ogeyn cidda ridaysa.

Dhowrkii Maalmood ee lasoo dhaafay ayaa waxaa magaalada Muqdisho ka dhacaayay qaraxyo joog ah kuwaasi oo aysan dowladu xitaa ka hadlin

Kenya oo sheegtay in ay xiriirkii Diblomaasiyadeed u jartay Soomaaliya

Dowladda Kenya ayaa amar ku siisay inuu dalkeeda ka baxo safiirka Soomaaliya ka jooga Amb. Maxamuud Axmed Nuur (Tarsan), sida laga soo xigtay warbaahinta maxalliga ah ee dalkaa.

Kenya ayaa sidoo kale u yeertay safiirka u jooga Muqdisho, Lt. Gen. Lucas Tumbo
 ,iyadoo go’aankan sabab looga dhigay in dowladda Soomaaliya ay ku xadgudubtay xuduudda Badda ee Kenya.

Waxaa kalo xukuumadda Nairobi laga soo xigtay in dowladda Soomaaliya ay tartan gelisay Bad ay leedahay Kenya si shidaal looga baaro Soomaaliya.
Wasiirka arrimaha dibadda Kenya,Macharia Kamau   ayaa sheegay Soomaaliya si taxadar la’aan ah inay isaga indho tirtay xeerarka caalamku aqoonsan yahay ee muranka xuduudaha, iyo sidoo kale khilaafaadka siyaasadeed iyo diblumaasiyadeed,sida ay baahisay warbaahinta Kenya.
Labada dal waxaa muddo u dhaxeeyay muran dhinaca badda ah,iyadoo dacwad ay gudbisay dowladda Soomaaliya ay taallo maxkamadda caalamiga ah,balse xiriirka labada dal wuxuu ahaa mid wanagsan.
Kenya waxaa Soomaaliya ka jooga ciidan nabad ilaalin ah oo ka tirsan howlgalka Midowga Afrika ee AMISOM.
Ma jirto ilaa hadda war ka soo baxay dowladda Soomaaliya oo looga hadlay go’aanka dowladda Kenya oo ku soo aadday xilli toddobaadyo ka hor magaalada London ay ku soo bandhigtay dowladda Soomaaliya sahan shidaal baarista ah oo badda laga sameeyay.
Scroll To Top
Descargar musica