Wednesday , 26 June 2019
Wararka Cusub
You are here: Home / Author Archives: baravanews (page 3)

Author Archives: baravanews

Feed Subscription

Faa’iidada Qorofulka iyo Malabka

malabka iyo caafimaadka

Malabku wuxuu leeyahay faa’iidooyin aan la sookoobi Karin oo dhinacyo badan leh…waxyaabaha uu ka kooban yahay malabku waa waxyaabo cajiib ah  oo aad u qiimo badan waana tan ka dhigtay malabka dawo awood leh oo wax loo dhigo aysan jirin…waxaa nagu filan sida  qur’aanku uu u tilmaamay dawonimadda malabka…hawraarta soo socda waxaan ku xusi doonaa qayb yar oo ka mid ah faa’iidada balaaran ee malabku leeyahay  iyadoo aan ka shidaal qaadanaydo tijaabooyinkii iyo baaritaanatii cilmiyeeysnaa oo laga sameeyey malabka sanadihii tagay baaritaanadaas oo ka kala dhacay gayiga soomaaliya iyo meelo kale oo caalamka ah.

Waxaa la xaqiijiyey kiilo malab ah waxy  jirka siisaa ama ay uuu ka helaa inta uu ka helo (3.5) kiilo hilib ah ama (12) k.g oo khudaar ah ama (5)liitar oo caano ah!!!!

  • Malabku wuxuu magaa ama uu kabaa enerjiga jirka uu lumiyey hawsha maskaxda iyo muruqa ay qabteen awgeed…u fiirso malabka waxaa ku jira sokorta gulukos( oo si fuduf jirku uu u nuugo iyo sokorta fartagoozoo jirku uu si tartiib tartiib ah u nuugo taasoo u fiican dadka qaba macaanka.
  • Malabku waa maado loo isticmaali karo daweyn iyo ka hortag cudur, sidoo kale malabku waa raashin aad u qiimo badan oo leh nafaqo..wuxuu u fiican yahay caruurta,dadka wayeeka ah …. malabku caloosha kuma daaho  dheefshiidkuna si fudud ayuu u badalaa sidoo kale habdhiska xanjo difaaca (lymphatic system) ayuu  si fudud ugu milmaa si dhiigga uu u raaco.
  • Malabku wuxuu daweeyaa xanuunada dheefshiidka ku dhaca wuxuu kordhiyaa dhaqdhaqaaqa mindhiciradu ay sameyen isagoo ka hortaga calool fadhiga..malabku kuma keeno calool qurun marka laga hadlayo  dadka ka jiran dheefshiidka..malabku wuxuu firfircooni galiyaa hawlaha cunto badalista ee ee jirku uu sameeyo isagoo ka dhiga qashinsaarka jirka mid aad u fudud..malabku wuxuu ka takhalusaa dhanaanka caloosha ee zaa’idka ah isagoo ka hortag u noqda qaadista boog calooleedka labadiisa nooc.
  • Malabku wuxuu daawo u yahay xanuuunka beerka ee habitaatis (B) sidoo kale xanuunka xameetida ayuu u fiican yahay wuxuu fududeeyaa burburinta quruuraca xameetida marka lala isticmaalo malabka (gawska)

 

  • Mlabku wuxuu u fiican yahay gubashada iyo bogsiinta nabarada iyo boogaha si dhaqsi ah, wuxuu kaloo u fiican yahay dadka tabarta daran,dhiigyarida ,cyilinta caruurta caatada ah waxaa aad ugu badan uraada(fitamin)  C & B12

 

  • Malabu wuxuu la dagaalamaa hurdo la’aanta,waxaa kaloo loo isticmaalaa daweymta madax xanuunka neerfaha,neerfo xanuunka…waxaa ku badan malabka idilkoobaha fitamin(vitamin B complex)
  • Sidoo kale malabku wuxuu u fiican yahay cudurrada ku dhaca habdhiskak neefmareenka sida:caburka neefta,harkaba waxaa ku jira malabka maadooyin waasiciya neefmareenka wuxuu kaloo malabku u roon yahay xanuunka qumanka,cunaha iyo hargabka qallalan
  • Malabku wuxuu daawo wax ku ool ah u yahay caabuqyada jirka (infakshinada) ee kala duwan wuxuu meel saaraa mooryaanta ilma’aragtada ah (microbs) waliba kuwa ugu daran sida:(salmonella ) staphilicis microcosis basilis)
  • Wuxuu u fiican yahay sidoo kale quudinta bukaanka ku jira xilliga soo kabasho,wuxuu ka hor tagaa duqnimada degdega ah,wuxuu kaloo u fiiican yahay xoojinta aragga indhaha..waxaana ku jira fitamin A
  • Malabku wuxuu xoojiyaa habdhiska difaaca jirka..waxaa ku jira maaddada(kaarootiin) ,cagaariso(clorophil) iyo maaddada ka hortagta xargaga jirka ee (antioxidant)

 

  • Malabku wuxuu u wacan yahay uurayda iyo umusha,waxaa aad loo isticmaalaa xilliga dhalmada oo uu fududeeyo waxaa kaloo loo isticmaalaa xanuunka yimaada xilliga caadada ee haweenka.
  • Malabka waxaa loo adeegsadaa daweynta kansarka waxaa ku jira maadooyin u fiican dawaynta kansarka oo ka tayo badan maaddooyinka dawada kiimikalka ah ku jira.

Xildhibaanno mar kale oo eedeyn kulul u jeediyay madaxweynaha Somalia Farmaajo

Xlidhibaannadii dhawaan soo gudbiyay soo jeedintii ka dhanka ah aheyd madaxweynaha dowladda Soomaaliya, laakiin sheegay in ay  ka tanaasuleen soo jeedintoodii xil ka qaadista, ,ayaa mar kale eedeyn u jeediyay madaxweynaha Soomaaliya Maxamed Cabdullaahi Farmaajo.

Xildhibaan Cabdiraxmaan Maxamed Xusseen Odawaa oo soo noqday Wasiirka Arrimaha Gudaha iyo Federaalka ayaa madaxweynaha ku eedeeyay in tan iyo markii la doortay uu mashquul ku ahaa sida uu hadalka u dhigay carqaladeynta maamul gobolleedyada dalka iyo weerarro lagu qaado siyaasiyiin Soomaaliyeed.

‘’Madaxweynaha hadda tallada haya Maxamed Cabdullaahi Farmaajo iyo dowladda uu hoggaamiyo oo ku dhaw dhaw Labo Sano waxaa uu mashquul ku ahaa weerarrada maamul gobolleedyada isaga oo ku bilaabay Cali Cabdullaahi Cosoble, wuxuu ku xijiyay Xaaf, ugu danbeyntiina Shariif Xassan Sheekh Aadan’’ ayuu yiri xildhibaan Odawaa oo ka mid ahaa xildhibaanno dhowr ah oo warbaahinta kula hadlay Muqdisho’’

Eedeymaha sidoo kale xildhibaannada ay u jeediyeen madaxweynaha ayaa waxaa ka mid ahaa weerarro lagu qaaday siyaasiyiinta, sida C/raxmaan C/shakuur, weerarkii Cabdi Qeybdiid, sidoo kalana u gacan galiyay dowladda Itoobiya Cabdikariin Sheekh Muuse Qalbi Dhagax.

Xildhibaan Odawaa ayaa sheegay in dowladda hadda jirtay ay soo kordhisay wax loogu yeero sida uu hadalka u dhiggay {Gar iyo Gardaro} oo xilka looga tuuray ayuu yri guddoomiyihii hore ee Golaha Shacabka Maxamed Cismaan Jawaari.

Waxaa kaloo eedeymaha ku jirtay kala diridii Guddiga Maaliyadda oo ay xuseen xildhibaannadu in aysan dhicin mid la mid ah illaa sanadkii 2000 oo la soo dhisay dowladdii Carte in la kala diro Guddi Baarlamaani ah, oo soo bandhigay warbixin musuq maasuq iyo lacago maqan, meeshii la filayay inay jawaab ka bixiyaan ay sababtay in ay kala diraan Guddiga Maaliyadda, lana soo saaro warqado sharci darro ah.

‘’Madaxweynuhu waxaa uu magaalada Baydhabo isaga oo adeegsanaya ciidamo shisheeye uu ka soo afduubay Mukhtaar Rooboow Abuu-Masuur oo aan ognahay in uu isaga laftirkiisa siiyay Basaboor Diblomasi ah, una diray magaalada Baydhabo ‘’ laakiin markii uu ka waayay danihiisa si qasab ah u soo xiray’’ ayuu yiri Cabdiraxmaan Odawaa.

Ugu danbeyntii xildhibaannada ayaa shirkooda Jaraa’id waxaa ay ku sheegeen in sababta ay mooshinka uga laabteen tahay in ay u tureen danta dalka iyo dadka, madaama uu garan waayay ayeey sheegeen madaxweynuhu in uu dalka badbaadiyo.

Guddoomiyaha Golaha Shacabka Maxamed Mursal Sheekh Cabdiraxmaan ayaa dhawaan sheegay in xildhibaannadii keenay soo jeedintii xil ka qaadista madaxweynaha ka tanaasuleen mooshinkii ay soo gudbiyeen, isaga oo uga mahad celiyay tanaasulka ay sameeyeen.

Ra’iisul Wasaaraha Soomaaliya Oo Daah-furay Qorshaha Horumarinta Qaranka ee 2020-2024

Ra’iisul wasaaraha xukuumadda federaalka Soomaaliya , Xasan Cali Khayre ayaa maanta guddoomiyay shir lagu daah furayay qorshaha horumarinta qaranka ee 2020-2024 kaas oo gundhig u noqonaya horumarka la doonayo in dalku gaaro muddda shan sano gudahood ah.

Wasiirka qorshaynta, maalgashiga iyo horumarinta dhaqaalaha XFS, Jamaal Maxamed Xasan, oo ka war bixiyay kulanka ayaa sheegay in la diyaariyay hannaanka iyo qaab dhismeedka qorshaha horumarinta qaranka ee 2020-2024, lana billaabayo la tashiyo lagala samaynayo mawaadiniinta Soomaaliyeed meel waliba oo ay dunida uga suganyihiin si qorshaha loogu saleeyo rabitaankooda.

Bulshada ayaa ka talo bixinaysa sida uu qorshuhu u ekaanayo, ahmiyadda uu u leeyahay horumarinta dalka iyo muuqalka ay rabaan in dalku u ekaado si dawladda iyo hay’adaha kale ay ugu shaqeeyaan qorshaha laga sameeyo natiijada kasoo baxda xog iyo talo aruurinta bulshada Soomaaliyeed.

Qorshaha horumarinta qaranka ee maanta la daah furay oo noqonaya kii sagaalaad laga soo billaabo 1960-kii iyo sidoo kale qorshihii 2-aad tan iyo bur-burkii, ayaa bedelaya qorsha hadda jira ee 2017-2020.

Kenya Airways oo billowday duullimaad ay toos ugu tageyso Muqdisho

Shirkadda diyaaradaha ee Kenya Airways ayaa maanta billowday adeegga duullimaadka ee toos isugu xiraya magaalooyinka Nairobi iyo Muqdisho, in kastoo horay ay dib ugu dhigtay howlgalkaas.
Go’aanka ay shirkaddan diyaaradeed ee ay leedahay dowladda Kenya ugu dhawaaqday adeeggan cusub ayaa astaan kale u ah sida ay Kenya kalsooni ugu sii yeelaneyso amniga hawada Soomaaliya.

Horraantii sannadkan ayey mas’uuliyiinta dowladda Kenya ugu dambeyn aqbaleen in dib loo billaabo duullimaadyada tooska ah ee u dhexeeya caasimadaha Kenya iyo Soomaaliya, ka dib markii ay wada hadal yeesheen labada madaxweyne ee kala ah Uhuru Kenyatta iyo Maxamed Cabdullaahi Farmaajo.
Bale bishii la soo dhaafay, Kenya Airways ayaa si lama filaan ah dib ugu dhigtay daah furista duulimaadyada tagaya Muqdisho, iyadoo sheegtay iney xannibeen shuruudo aysan ka tallaabsan karin.

Waxaa sidoo kale soo baxay warar sheegayay in maamulka Muqdisho ay ku qanci waayeen markii loo sheegay in diyaaradda howlgalkaas billaabeysa aysan lahayn qeybta adeegyada khaaska ah leh.

Iyadoo ay xitaa taasi jirtayna, Kenya Airways ayaa hadda ku dhawaaqday in duullimaadyadeeda Muqdisho aadaya ay ahaan doonaan kuwo aan lahayn adeegyada khaaska ah ee loogu tala galay dadka aan rabin iney diyaaradda ka raacaan qeybta shacabka.

Shirkadda ayaa sidoo kale bixisay shati ay wada shaqeyn kula sameyneyso shirkad madax bannaan oo horayba u fulin jirtay duullimaadyada Nairobi iyo Muqdisho, taasoo lagu magacaabo ALS.

Shirkaddan madaxa bannaan ayaa bixin doonta diyaaradaha iyo shaqaalaha fulin doona duullimaadyada Kenya Airways ee Muqdisho.

Kumannaan qof oo Soomaali ah ayaa ku nool Kenya, in badan oo ka mid ahna waxay si joogto ah isaga kala gooshaan magaalooyinka Nairobi iyo Muqdisho.

Waxaa sidoo kale jiray tartan sii kordhayay oo ay shirkadaha diyaaradaha ugu loollamayeen duullimaadyada Muqdisho, iyadoo dhawaan ay shirkadda Ethiopian Airlines billowday duulimaad toos ah oo isku xiraya Muqdisho iyo Addis Ababa.

Al-Shabaab iyo Daacish oo ku dagaallamay deegaanno ka tirsan gobolka Bari

Dagaallamayaal ka tirsan al-Shabaab iyo Daacish ayaa lagu soo warramaya inay ku dagaallameen gobolka Bari,sida laga soo xigtay dadka deegaanka oo la hadlay warbaahinta maxalliga ah.
Dagaal labadii maalin ee u dambeysay ka dhacay deegaannada Shimbiro iyo Miiraalle ayaa la sheegay inay ka dhasheen khasaaro dhimasho iyo dhaawac leh oo gaaray dhinacyadii dagaallamay.

Dagaalkii maalinta koowaad oo ku beegneyd Sabtidii ayaa sababay dhaawaca toban ka mid ah dhinacyada, iyadoo shan ruux ay ku geeriyoodeen, Waxaa mar kalle oo dagaalka uu shalay dhacay uu sababay dhimashada siddeed ruux oo dhinacyadii dagaallamay ah, waxaana jira khasaare dhaawac ah.
Wararka ayaa sheegaya dagaalka inuu yimid kaddib markii xeebaha deegaankaasi uu soo gaaray dooni hub u waday kooxda Daacish, iyadoona xilligaasi weerar ay soo qaadeen al-Shabaab , waxaana saldhiggii ciidammada ee Daacish la wareegay al-Shabaab,sida ay baahisay idaacadda maxalliga ah ee Daljir.
Dhinaca kale, war lagu baahiyay wakaaladda wararka u faafisa kooxda Daacish ee ‘Amaq News Agency’ ayaa lagu sheegay in 14 xubnood oo ka tirsan al-Shabaab lagu dilay Sabtidii dagaal ka dhacay deegaanka Miiraalle oo u dhow deegaan xeebeedka Qandala ee gobolka Bari, warka ayaa inta ku daray in dagaalka uu ka billowday markii dagaalyahanno ka tirsan Daacish ay weerarreen xubno ka tirsan al-Shabaab oo isku aruursanahay nawaaxigga deeegaanka Miiraalle.
Kooxda xiriirka la leh Daacishta fadhigeedu yahay Ciraaq iyo Suuriya ayaa sidoo kale ku baahisay wakaaladda wararka u faafisa inay hub iyo agab militeri uga furteen dagaalyahannada al-Shabaab dagaalka Miiraalle, al-Shabaab kama aysan hadlin dagaalkan, sidoo kale ma jirto dhinacyo madax bannaan oo war laga helay.
Deegaannada dagaalka uu ku dhexmaray al-Shabaab iyo Daacsish ayaa ka mid ahaa goobihii caanka ku ahaa tahriibka ee sida dhuumaalaysiga uga bixi jiray gobolka Bari, waxaana jirin wax war ah oo  Puntland ay kasoo saartay.


Guddoomiyaha Golaha Shacabka Soomaaliya oo ka hadlay xaalada magaalada Baydhabo

Guddoomiyaha Golaha Shacabka Maxamed Mursal Sheekh Cabdiraxmaan oo aan codkiisa la maqal tan iyo intii ay soo ifbaxday xiisada siyaasadeed ka dhalatay mooshinka ayaa ku baaqay in la dajiyo xaalada magaalada Baydhabo.

Guddoomiyaha ayaa ugu baaqay waxgaradka iyo odayaasha magaalada Baydhabo in ay ka fogaadaan wax kasta oo colaad horseedi kara, isaga oo ka digayy dagaal kale oo ka dhaca magaalada, leys kuna dayo in wax walba loo maro hab nabadeed iyo wada hadal.

‘’Waxaa ugu baaqayaa odayaasha iyo waxgaradka magaalada Baydhabo in ay xaalada dajiyaan, laga fogaado dagaal dhaca iyo dhiig danbe oo daadda, wixii maanta ka dhacay magaalada iyo qabashada Mukhtaar Rooboow waxaa lagala xisaabtamayaa ciddii arintaa ka danbeysay’’ ayuu yiri guddoomiye Mursal.

Dhinaca mar uu soo hadal qaaday arinta mooshinka laga keenay madaxweynaha Soomaaliy Maxamed Cabdullaahi Farmaajo iyo kala qeybsanaanta Baarlamaanka ayuu sheegay in wax walba lagu xalin doono Golaha dhaxdiisa.

‘’Xildhibaannada Golaha Shacabka waxaan is leeyhay waa dad doonaya in ay dhamaantood wax hagaajiyaan, ee ma’aha dad doonaya in ay wax qasaan, sidaa daraadeed wixii xal u baahan oo la xalin karo guud ahaan wey ka siman yihiin, marnaba uma arkayo in arin shaqo ku saabsan la siyaasadeeyo, waxaan leeyahay wax aan la xalin karin ma’aha’’ ayuu yiri guddoomiye Mursal.

Mar la weydiiyay in uu ka soo guuray xaruntii madaxtooyada oo uu deganaa iyo waxa ka jira in halkaa lagu go’doomiyay ayuu ku gaabsaday ‘’ Arrimahaasi waqtiggooda waa la soo dhaafay.. wax dhib ah oo hadda I hayaa ma jiro’’

Wuxuu meesha ka saaray in marnaba madaxweynaha iyo ra’iisal wasaaraha ka wada hadleen xiisada siyaasadeed ee taagan.

Hoggaamiyayaasha dalalka Itoobiya iyo Eritrea oo booqanaya Muqdisho ee Somaliya

Booqashadii ugu horreeysay oo wadajir ah ayaa lagu wadaa inay magaalada caasimadda ah ee Muqdisho ku tagaan hoggaamiyayaasha Itoobiya iyo Eritrea , sida laga soo xigtay ilo xogo-gaal ah oo ku dhow Villa Somalia.

Warar horu-dhac ayaa sheegay inay Arbacada berri ah soo gaari doonan Muqdisho, ra’iisul wasaaraha Itoobiya Abiy Axmed iyo hoggaamiyaha Eritrea,Isaias Afwerki , wararka ayaa inta ku daraya in booqashadan ay daba socoto kulammadii saddex geesoodka ahaa ee madaxda dalalkan ay yeelanayeen bilihii la soo dhaafay.
Hoggaamiyayaasha oo u ku jira madaxweynaha Soomaaliya ayaa horay ugu shiray Itoobiya iyo Eritrea ,iyadoo shirkii u dambeeyay ee ka dhacay magaalada Gondor ee dalka  Itoobiya  lagu go’aamiyay in kan xiga lagu qabto magaalada Muqdisho ee caasimadda Soomaaliya.
Hoggaamiyayaasha saddexda dal ayaa  kulammadii hore ka soo saaray inay ku heshiiyeen qodobbo ay ka mid yihiin iskaashi dhaqaale, siyaasadeed, dhaqan iyo amni.
Dowladda Soomaaliya ilaa hadda kama hadlin booqashada la filayo inay hoggaamiyayaasha ku soo gaaray caasimadda Muqdisho.
Balse, booqashada hoggaamiyayaasha dalalka Itoobiya iyo Eritrea  ee magaalada Muqdisho ayaa ku aadday xilli madaxweynaha Soomaaliya uu wajahayo culeys uga imaanaya Xildhibaannada Baarlamaanka, kuwaas oo qaarkood ka gudbiyay mooshin ay ku doonayaan in xilka looga qaado, wallow xoghayaha guud ee Baarlamaanka uu maanta baahiyay inuu burey mooshinka.

Ra’iisul wasaaraha xukuumadda fedraalka Soomaaliya, Xasan Cali Khayre, ayaa maanta guddoomiyay shirarka toddobaadlaha ah ee Tubta Amniga iyo Caddaalada iyo Tubta siyaasada loo dhanyahay.
Maamulka gobalka Banaadir, Taliska Booliiska iyo wasaaradda amniga gudaha oo qayb ka ah tubta amniga iyo cadaaladda ayaa shirka tubta amniga iyo caddaaladda kusoo bandhigay siyaasadda dawladda ee la dagaalanka mukhaadaraadka oo aad looga dooday intii kulanku uu socday.

Siyaasaddaan oo loo qorsheeyay in lagu xakameeyo dhibaatada uu mukhaadaraadka ku hayo bulshada Soomaaliyeed ayaa tubta amniga iyo caddaaladda loogu soo bandhigay si horumarin loogu sameeyo kadibna loogu gudbiyo golaha wasiirrada, ugu dambaynna looga soo saaro sharci saldhig u noqda hannaanka xakamaynta mukhaadaraadka.

Ra’iisul wasaare Khayre ayaa sidoo kale guddoomiyay shirka siyaasadda loo dhanyahay oo maanta looga hadlay astaynta awoodaha heerarka dawladda, samaynta siyaasadda horumarinta iyo tababarrada dawladaha hoose, dib-u-eegista sharciga dawladaha hoose iyo hindise sharciyadeedka xiriirka heerarka dawladaha.

Shirarka Tubaha ee toddobaadlaha ah ayaa diiradda lagu saaraa Hal-beegyada iyo qaybaha shaqo ee hor-tebinta u leh dhammaan hay’adaha iyo wasaaraha qaybta ka tubaha.

Qarax goor dhaw ka dhacay xaafadda Kaawo Godey ee magaalada Muqdisho Somaaliya

Qaraxan oo ahaa mid loo adeegsaday gaari walxaha qarxa laga soo buuxiyay ayaa ka dhacay xaafadda Kaawo Godey degmaada Wadajir ee magaalada Muqdisho

Wararka ayaa sheegaya in qaraxa uu ka dhacay goob Suuq Qaadka lagu iibiyo  ah, islamarkaana laga raro gaadiidka oo ay xiligaa ku sunaayeen dadweyne aad u faro badan.

Goobjoogayaal ayaa sheegaya in gaari wadada la dhigay uu  qarxay abaarihii duhurkii, waxaana laga cabsi qabaa in khasaare kala  duwan uu dhaliyay.

Wararka ayaa intaa ku daraya in gaadiidka gurmadka degdega ay goobta gaareen, sidoo kale waxaa goobta qaraxa ka dhacay tagay ciidamo ka tirsan kuwa Amniga.

Si rasmi ah looma oga khasaaraha ka dhashay qaraxa oo ahaa mid si xooggan looga maqlay qeybo ka mid ah magaalada Muqdisho.

Qaraxan ayaa imanaya xili magaalada Gaalkacyo subaxnimadii hore ee saakay ay ka dhaceen Qaraxyo culus oo ay ku dhinteen dad ka badan 20 ruux. 

Sidee ayuu Mukhtaar ROOBOW uga badbaaday qaraxii lala damacsanaa?

Baydhabo (BaravaNews) – Warar dheeraad ah ayaa kasoo baxaya qaraxyadii mataanaha ahaa ee casar liiqii shalay galab ka dhacay bartamaha magaalada Baydhaba ee xarunta gobolk Baay, halkaasi oo olole doorasho ay ka socdaan.

Qaraxyada oo ay sheegatay kooxda Al-Shabaab ayaa la xaqiijiyey inay ku dhinteen 17 qof, ayada oo 50 kalena ay ku dhaawacmeen. Dadka dhintay badankood ayaa ah dad shacab ah, oo ku sugnaa goobihii la qarxiyey.

Xog gaar ah oo ay heshay Caasimada Online ayaa sheegeysa in mid ka mid ah qaraxyada oo ka dhacay maqaayadda Badar loola dan lahaa Mukhtaar Roobow Abu Mansuur oo ka mid ah musharaxiinta madaxweynaha maamulka Koonfur Galbeed.

Roobow ayaa degan hotelka Guuraaw ama Bayern Munich ee Baydhaba, waxaana hotel uu aad ugu dhow-yahay maqaayadda qaraxa uu ka dhacay. Ammaanka hotelka iyo meelaha ku dhow ayaa aad loo adkeeyey, waxaana la sheegay in qofka is-qarxiyey ay joojiyeen ciidamo inta uusan gaarin hotelka kadibna is-qarxiyey.

Roobow oo horey uga tirsanaa kooxda Al-Shabaab ayaa markii uu is-sharxay waxa ay Al-Shabaab ku tilmaameen inuu yahay “murtad diinta ka baxay”

Kooxda Al-Shabaab oo sheegatay mas’uuliyadda qaraxyada waxay tiri in hotelka Bilan uu leeyahay wasiirkii hore ee maaliyadda Soomaaliya Maxamed Aadan Fargeeti, waxaana macquul ah in labada weerar lagu kala beegsanayey Roobow iyo Fargeeti.

Scroll To Top
Descargar musica