Saturday , 23 March 2019
Wararka Cusub
You are here: Home / Author Archives: baravanews (page 13)

Author Archives: baravanews

Feed Subscription

Ra’iisul Wasaaraha Somaaliya Kheyre oo booqday dadkii ku dhaawacmay weerarkii Pizza House ee Muqdisho

Ra’iisul wasaaraha Soomaaliya Xassan Cali Kheyre oo uu Weheliyo Wasiirka Qorshaynta iyo iskaashiga caalamiga ah Jamaal Xassan ayaa booqday qaar ka mid ah dhaawacyadii ay wax yeellada ka soo gaartay weeararkii ugu danbeeyey ee Al-shabaab ay ka geysteen magaalada Muqdisho gaar ahaan Pizza House.

Ra’iisul wasaaraha ayaa ku soo wareegay qeybaha kala duwan oo ay yaalaan dhaawacyada, isaga oo gaarsiiyay deeq lacageed, yey deeq, isagoona u sheegay dadkii dhibaatadu soo gaartay in dawladdu ay garab taagan tahay isla markaana aan laga hari doonin kuwii wax yeelada u geystay.

“Runtii dadkan waxaa dhibaateeyey gacan ka xaq daran, mana jirto wax dembi ah oo ay galleen, dawladda –na waxaa ay ku howlan tahay sidii dalka looga sifeyn lahaa argagixisada” ayuu yiri ra’iisul wasaare Kheyre.

Dadka dhaawacyada qaba in isbitaalka yaalla ayaa waxaa ku jira iyo carruur iyo haweenka ka mid ahaa dadkii ay wax yeellada ka soo gaartay weerarkii Pizza House oo ay ku geeriyoodeen tiro ka badan 20 ruux iyo dhoor ruux ee ku dhaawacmeen.

Farmaajo “ Dadkii xalay la dilay waxaa ay ahaayeen dad shuhada ah oo bil soon ah la dilay, iyadoo lagu jiro 10-ka dambe ee Ramadan”

Khamiis, June, 15, 2017 – Madaxweynaha Jamhuuriyadda Federaalka Soomaaliya Maxamed Cabdullahi Farmaayo, ayaa si kulul uga hadlay weerarkii xalay Al Shabaab ay ku qaadeen maqaayada Pizza House, ee ku taalla degmadda Hodan ee magaalladda Muqdishu.

Saraakiisha ciidanka dowladda Soomaaliya ayaa xaqiijiyay in ugu yaraan 18 qof ay ku dhinteen halka 26 kalena ay ku dhaawacmeen, kadib markii Al Shabaab ay weerareen maqaayada Pizza House.

Mudane Farmaajo ayaa tacsi kadib waxaa uu yiri “Dadkaasi waxaa ay ahaayeen dad shuhada ah oo bil soon ah la dilay, waliba xili ay faraxsanaayeen waa in laga murugoodo, in bil Ramadaan ah waliba 10-kii dambe lagu jiro in dad Soomaali ah oo aan waxba galabsan in la laayo”, ayuu yiri Madaxweynaha.

“Goobtii ay xalay weerareen waa meel ay inta badan isugu yimaadaana dhallinyarada dugsiyada sare iyo jaamacadaha ee ay da’dooda u dhaxeyso 15 ilaa 25. Aan is waydiinno maxaa loo laynayaa dhallinyaradaas? Ma ciidan baa? Ma Dowladbaa? Jawaabtu waa maya. Waxaa loo laynayaa maxaad u faraxsantihiin. Maxay rajo dowladnimo idiin gashay. Maxaad fikirka xagjirka ah u qaadan la’dihiin!.

“Cadawogan waa mid noo diidan inaan faraxno, inaan nabadgalyo helno, inaan shucuubta dunida la jaanqaadno, in qoysaska Soomaaliyeed ay nabad ku soomaan, nabadna ku afuraan.”

Dhinaca kale, Afhayeenka Wasaaradda amniga Somaliya Axmed Maxamed Maxamuud Carab,ayaa sheegay in dadka la dilay ay ku jireen 7 gabdhood oo dhallinyaro ahaa, kuwaasi oo ku sugnaa Hotelka weerarka ay ku qaadeen ururka Al -shabaab.

Mas’uuliyiinta DF Soomaliya oo la faray in mudo 14 cisho ah ku soo diiwaangaliyaan ilaaladooda

Arbaco, June, 14, 2017 – Wareegto ka soo baxday xafiiska wasiirka wasaaradda amniga Gudaha Soomaaliya Maxamed Abuukar Ducaale Isloow ayaa looga hadlay go’aannada ku saabsan sugidda amniga mas’uuliyiinta dowladda.

Wsiirka amniga gudaha ee xukuumadda Soomaaliya Maxamed Abuukar Ducaale Isloow ayaa sheegay in muddo 14 cisho ah mas’uuliyiinta dowladda ku soo diiwaan geliyaan ilaaladooda gaarka ah.

Wasiirka ayaa sheegay in tani qeyb ka tahay go’aankii gollaha wasiirada ee xukuumadda Soomaaliya ee ku aadanaa sugitaanka amniga iyo xasalinta amniga Caasimadda, go’aankasi oo ku taariikheysnaa 11 May ee 2017.

Go’aanka golaha wasiirada faqradda 7-aad oo uu dhigan sidan “Waxaa laga mamnuucay dhammaan qof kasta oo ay ku jiraan mas’uuliyinta dowladda in magaalada Muqdisho aysan ku dhex-wadan karin ilaalo ka badan Afar askari iyo ugu badnaan Labo gaari, mana qaadan karaan qori ka wayn AK47”

Wasiirka ayaa u qabtay xildhibaannada Labada Aqal, xubnaha golaha wasiirada iyo dhammaan mas’uuliyiinta kale ee dowladda in muddo afar iyo toban maalmood (14) gudahooda ay ku soo diiwaan geliyaan ilaalada gaarka ah iyo hubka ay sitaan, waxayna diiwaan gelinta ka bilaabaneysaa xarunta hogaanka dambi baarista (CID)

Amarkan ka soo baxay wasaarrada amniga gudaha ayaa imanaya xili maalmihii ugu danbeeyay magaalada Muqdisho ka soconayeen howlgalo hub ka dhigis ah oo caasimada looga nadiifinayo hubka sharci darrada ah,  waxaana howlgaladan ka qeybqaadanaya ciidamo isku dhaf ah oo ka kooban, militariga, nabad-sugida iyo booliiska Soomaaaliyeed.

Wafdi uu horkacayay wasiiru-dowlaha arimaha dibada Qatar oo maanta tagay Muqdisho ee Somaliya

Axad, June, 11, 2017,  – Waxaa magaalada Muqdisho maanta tagay wafdi sare oo ka socday dawladda Qatar kaasi oo madaxda dawladda Soomaaliya la kulmay.

Ilo lagu kalsoonaan karo ayaa sheegaya in wafdiga Qatar uu hoggaaminayo wasiiru dowlaha Arirma dibedda Suldaan Bin Sacad Al-Muraykhi waxaana la sheegayaa in uu la kulmay Madaxweynaha Soomaaliya Maxamed Cabdullaahi Farmaajo iyo ra’iisul wasaaraha Xasan Cali Khayre.

Toddobaadkii horena waxaa magaalada Muqdisho tagay sida laga soo xigtay ilo muhiim ah wafdi ka socday dowladda Sacuudiga sida laga soo xigtay safiirka dowladda Soomaaliya ee Sacuudiga Daahir Max’uud Geelle.

Ma jiro wax faah faahin ah oo dhinaca dowladda ka soo baxaya oo ka hadlaya wafdiga maanta tagay magaalada Muqdisho.

Xukuumada Soomaaliya ayaa sheegtay in ay dhaxdhaxaad ka tahay khilaafka u dhexeeya labada dawladood, waxayna ku baaqday in nabadgelyo lagu dhammeeeyo khilaafadka.

Hasse ahaatee waxaa muuqata in ay hadda  wajaheyso xaalad u eg labo daran mid dooro, iyada oo cadaadis ba’an kala kulmeysa dowladda Sacuudiga oo siweyn uga xumaatay go’aanka dowladda Soomaaliya

Wararkii Ugu Dambeeyey Duqeymo Cir Iyo Dhul Ah Oo Lagu Qaadey Deegaano Ka Tirsan Shabeelada Hoose

Wararka aan ka heleyno deegaano ku yaala Gobolka Shabeelada hoose ayaa sheegaya in howlgallo culus ay wadaan Ciidamada xoogga dalka Soomaaliya Ciidamada midowga afrika ee AMISOM.

Howlgallada oo la qaadey saake aroortii ayaa Ciidamada is garabsanaya waxay la wareegeen degmooyinka kala ah Awdheegle, Bariire, Janaale, Sabiid, Caanoole iyo kuwo kale oo ay maamulayeen Maleeshiyada kooxda Alshabaab.

Deeganada qaar ayaa waxa ka socda dagaal culus oo dhex maraya Ciidamada xooga dalka iyo AMISOM oo isku dhinac ah iyo Kooxda Alshabaab, warar aan helnay ayaa ku waramaya in Ciidamada AMISOM ay adeegsanayaan rasaas culus oo laga rido Taagiyada ay wataan.

Deegaanada ku xeeran degmada Janaale ayaa wararku tilmaamayaan in lagu qaadey duqeymo diyaaradeed oo lala beegsadey saldhigyo iyo xarrumo ay maamulaan Alshabaab, hase ahaatee lama oga ilaa hadda khasaaraha ka dhashey.

Cabdiwali Gaas oo ku baaqay dagaal ka dhan ah Al-shabaab iyo Daacish

Jimco, June, 09, 2017  – Madaxweynaha dowlad  Puntland C/wali Maxamed Cali Gaas oo shir jaraa’id ku qabtay magaalada Garoowe ayaa ku dhawaaqay dagaal ka dhan ah Al-shabaab iyo Daacish kaddib dagaal culus oo habeen ka hore ka dhacay deegaan ka tirsan gobolka Bari oo ay ku dhinteen tiro badan oo ka tirsan ciidamada Puntland.

Waxaa uu madaxweyne Gaas ka tacsiyadeeyay geeridii askartii shalay lagu laayay dagaal ka dhacay deegaanka Af-Urur, halkaasoo xero ciidan oo ay lahaayeen ciidamada daraawiishta ay weerareen Al-Shabaab.

“Waxaan shacabka Puntland u sheegayaa meel kasta oo ay joogaan inay u diyaar garoobaan dagaal adag oo ka dhana ah burcad diimeedka ku soo duulay dhulkayaga”ayuu yiri Madaxweynaha Puntland.

Cabdiwali Gaas ayaa sheegay in Puntland isaga filan tahay inay iska difaacaan kooxo uu sheegay in ay ku soo  duulleen deeganada maamulkiisa.

Waxaa uu ugu baaqay dowladda federaalka iyo  beesha caalamka in ay ku taageeraan Puntland dagaalka adag ee ay kula jirto argagixisada oo uu ula jeedo Al-shabaab iyo kooxaha sheegta in ay ka tirsan yihiin Daacish ee ka dagaalama Puntland

Al-Shabaab ayaa sheegatay inay 61 askari oo ka tirsan ciidamada Puntland ku dileen dagaal ka dhacay deegaanka Af-urur, waxaana ay ku furteen saanad milateri oo ay ku jiraan gaadiid dagaal.

Hasse ahaatee sheegashada Al-shabaab waxaa beeniyay Puntland oo sheegtay in tiro intaa la eg oo ciidamo ah loogu dilin dagaalkii Af-Urur.

Ra’iisal wasaare Kheyre oo dibadbaxayaal ka hor sheegay wax qabadka dowladda mudadii ay jirtay

Axad,  June, 04, 2017 – Ra’iisal wasaaraha xukuumada Soomaaliya Xassan Cali Kheyre ayaa kumannaan dadweyne ah oo isugu soo baxay garoonka kubadda cagta Banaadir Stadium faah faahin ka siiyay waxqabadka dowladda muddadii ay jirtay.

Dibadbaxa ayaa sidoo kale waxaa ka qeybgallay madaxweynaha dowladda Soomaaliya Maxamed Cabdullaahi Farmaajo, wasiiro, xildhibaanno, mas’uuliyiinta maamulka gobolka Banaadir iyo saraakiil ciidan.

Ra’iisal wasaare Kheyre ayaa ugu horeyn uga mahadceliyey shacabka Soomaaliyeed taageerada ay dawladda u hayaan, waxaana uu tilmaamay in waajib ay tahay in bisha Ramadaan laga wada shaqeeyo danta guud ee dalka iyo dadka gaar ahaan sugidda amniga, horumarinta caddaalladda, la dagaalanka musuq-maasuqa iyo gar-gaarka dadka danyarta ah.

Ra’iisal wasaaraha ayaa soo hadal qaaday sida ay xukuumadiisa uga go’an tahay in caqabadaha jira looga gudbo iskaashi dhex mara guud ahaan hay’adaha dawladda iyo bulsho weynta Soomaaliyeed.

“Caqabadaha iyo dhibaatooyinka na horyaalla dawladda kaliyana wax kama qaban karto, waxaa loo baahan yahay in dhammaan qeybaha kala duwan ee bulshada doorkooda ka qaataan, gaar ahaan aqoonyahanadda, culimada, oday-dhaqameeyada, ururada samafalka, ganacsatada, haweenka iyo dhalinyarada, taas oo looga gudbi karo marka la hello midnimo, wadanino, wadashaqeyn iyo iskaashi dhex-mara dawladda iyo shacabkeeda’’

Qorshaha Xukuumadda saldhigga u ah mar uu ka hadlayay ra’iisal wasaaraha ayuu tilmamay in ay ka mid yihiin:

1)Kow- ka-guul-gaarista xasiloonida guud ee dalka, gaar ahaan sugidda amniga iyo la dagaalanka Al-shabaab.

2)Labo, dhisidda iyo meel-marinta cadaalad, garsoor hufan, karti, isla xisaabtan, daah-furnaan iyo ciribtirka Musuq-maasuqa.

3)SADDEX- kobcinta dhaqaalaha si loo ballaariyo wax-soo-saarka shaqo abuurka, maalgashiga iyo dib-dhiska kaabayaasha dhaqaalaha kuwaas oo lagama maarmaan u ah la dagaalanka saboolnimada iyo xasiloonida darada dalka.

Ra’iisul wasaaraha oo ka hadlayay arrimaha abaaraha ayaa yiri:

“Wallow illaahey nooga roonaaday Abaarihii iyo dhibkii, balse casharka aan ka baranay Abaarta, wuxuu na tusayaa haddii aan isku tashano xukuumad iyo shacabba in aan ka hortagi karno aafooyinka Abaaruhu keenaan. Anagoo ka duulayna mowqifka ah in aan isku tashano, waxaa noo suurto-galay : In aan gaarsiino deeqaha gurmadka dalka oo dhan, mudadaas abaartu jirta waxaa la qeybiyey lacag dhan shan million oo dollar oo si hufan u gaaray dadka Soomaaliyeed.

Ra’iisul wasaare Xassan Cali Kheyre ayaa sheegay in la wiiqay muddo kooban argagixisada, isagoona tilmaamay in la xakameeyey qaraxyadii iyo hubkii lagu sitay caasimadda.

“Howlgalkii ugu horeeyey ee la fuliyey waxaa lagu qabtay kooxo ka tirsan argagixisada iyo hub sharci darro ah oo loo adeegsan jiray gumaadka shacabka, waxaan ku guuleysanay in ciidamo badan xeryahoodii lagu celiyo, waxaan kaloo qaadnay jidgooyooyin sharci darro ah”ayuu yiri ra’iisal wasaare Kheyre.

Ugu danbeyn, ra’iisul wasaaraha ayaa tilmaamay in mudadaa kooban ee ay jirtay xukuumadda uu dalku gaaray horumaro la taaban karo haddii ay tahay dhaqaalaha oo sara-u-kacay iyo hannaanka maaliyadda oo dib loo saxay, isla markaana la dardargeliyey kobcinta iyo maareynta ilaha dakhliga, taas oo dhalisay in uu sara u kaco dhakhliga dawladda, laguna guuleystay bixinta mushaarka ciidamada iyo shaqaalaha dawladda.

Manchester United 4-1 Newcastle oo si adag loo graacay ciyaaraha Premier League ee ingriiska

Sabtida, November, 18, 2017  – Cayaartan oo aheyd mid siweyn loo wadda sugayay ayeey Manchester United xaqiiqsatay guusha premier League lugtii ugu danbeysay kaddib markii 4-1 ay ku garaacday kooxda kubadda cagta ee Newcastle.

Cayaaryahanka Bogba ayaa ku soo noqday manchester United marka uu ka maqnaa ciyaaraha manchester united

ku dhowaad laba bilood waxuu garoonka Old Taford ow ku dhigay ciyaar aad aad halis ah.

Ugu danbayn Cayaarta ayaa ku dhamaatay 4-1 ay manchester united ku dubatay Newcastle isla markaana ay taariikh cusub ugu abuurtay kooxaha Ingriiska iyada oo noqotay kooxdii ugu horaysay ee difaacatay koobka Premier league intii qaabka hadda yahay loo dhigay horaantii sagaashamaadkii.

Wasiirka warfaafinta : dilalka Muqdisho Al-shabaab oo kaliya ma geystaan

Sabti, June, 03, 2017 – Wasiirka wasaarrada warfaafinta DF Soomaaliya C/raxmaan Cumar Cismaan Yariisoow ayaa isaga oo ku sugan magaalada Nairobi ayaa faah faahin ka bixiyay qorshaha xasilinta magaalada caasimada ah ee Muqdisho.

Wasiirka ayaa sheegay in dowladda ay ka go’an tahay in dib loo soo celiyo amniga caasimada, si looga baxo nidaamka ku dhisan fowdada iyo kala danbeyn la’aanta mudada dheer soo jirtay, waana tan keentay ayuu yiri in xukuumadu tallaabadan go’aansato.

‘’Dowladd federaalka waa ay ka go’an tahay in dib loo soo celiyo amnigii caasimada, waa ay jiraan dad cabasho arintan ka qaba, laakiin ma jirto cid ay dowladda ka aqbali doonto in ay ka hortimaado qorshaha lagu xasilinayo caasimada’’ ayuu yiri wasiirka.

Wasiirka ayaa sheegay in Al-shabaab oo kaliya aysan mas’uul ka aheyn amni darrada ka jirta magaalada Muqdisho, laakiin jiraan sida uu hadalka u dhigay kooxo kale oo abaabulan.

‘’Waxaan hada maqalnay shaqsiyaad iyo kooxo hubkooda kala baxaya caasimada si aysan dowladda ugala wareegin, dadkaas waxaan rabnaa in aan u sheegno meel kasta oo ay hubkaa la tagaan in ay dowladda uga daba-tagi doonto islamarkaana tallaaabo laga qaadayo’’ ayuu yiri wasiirka warfaafinta.

Maalmihii ugu danbeeyay magaalada Muqdisho waxaa ka soconayay howlgal ballaaran oo ay fuliyaan ciidamo gaar ah loogu tallagalay fulinta qorshaha xasilinta caasimada oo ay dhawaan anisixiyeen gollaha wasiirada.

Reer Baraawe

Reer-Baraawe

Reer Baraawe waxay degaan Magaalada Baraawe ee dalka Somaaliya dhinaca koonfur,

Dadkani waxay deegaan magaalada Baraawe ee Gobolka Shabeellaha Hoose, waxeena ku hadlaan luqad u gooni ah oo la dhoho Af-Baraawani ama (chimini ama chimbalazi), waa lahjad u dhow af-sawaaxiliga . Reer baraawe sidoo kale waxay ku hadlaan Af-tunni iyo af-maxaatiri. Dadka reer baraawe waa dad ganacsato ah, waxayna caan ku yihiin kaluumeesiga. waxyaabaha aad loogu yaqaano reer Baraawe waxaa ka mid ah cuntada macmacaanka ah, sida (Caano baraawe) oo soomaalida aad u xiiseeso, waa macmacaan laga sameeyo caano la karkariyay oo sunkor lagu daray iyo waxyaabo kale, kalarkiisa waxuu noqonaa gaduud, waxaa loo sameeyaa sida xalwada oo kale. Dhinaca musikada khatar ee ku yihiin, laakiin badanaa waxee ku heesaan heesaha af-baraawe, waa sida heesaha xamariga oo kale, wee ka duwanyihiin heeso dhaqameedka.

Af-Baraawe

Af-Baraawe waa luqad looga hadlo magaalada Baraawe iyo meelaha u dhow ee gobolka Shabeelaha Hoose. Luqadaan waa lahjo ka mid ah Afka sawaaxiliga. Af baraawe waxaa ku hadlo Reer baraawe, oo ayaga neh yaqaaniin afka soomaaliga.Afka baraawe sida oo ku imaaday lama yaqaano, dad waxee leeyihiin waxoo ka imaaday bortuqiiskii weeraray magaalada baraawe, dad neh waxee leeyihiin carabtii qabsatay xeebaha gobolka banaadir.

Dad badani waxay u maleeyaan afka reer Baraawe inuu yahay lahjad ka mid ah af-Soomaaliga balse sidaa maaha ,afka reer Baraawe ku hadlaan waa qayb ka mid ah af-Sawaaxiliga waxaana la yidhaahdaa Jimwiini(Chimwiini) waxaana si fiican u fahmi kara qofka yaqaana af-Sawaaxiliga ,Haddii afkani yahay lahjad ka mid ah lahjaddaha af-Soomaaliga markii laysku raacay inuu af-Soomaaligu ka kooban yahay laba lahjaddood(Maay +Maxaa tidhi/tiri =Afsoomaali) ayaa laga dhigi lahaa saddex lahjaddood waayo markaaba reer Baraawe way ku hadli jireen.

 

Scroll To Top
Descargar musica